“Punon për Bashën, kundër PD-së”, Berisha i kërkon dorëheqjen Alibeajt (DEBATET)

Ish-kryeministri Sali Berisha i ka kërkuar dorëheqjen kreut të grupit parlamentar të PD-së, Enkelejd Alibeaj, gjatë mbledhjes së grupit parlamentar demokrat, mëson Podiumi.com.   Berisha i ka thënë Alibeajt se ke dalë kundër partisë, duke apeluar pa asnjë tagër në gjykatë një proces që e kanë pranuar demokratët.  Ndërkaq Alibeaj i është përgjigjur Berishës duke u shprehur se ish-kryeministri ka pushtuar selinë blu.

Pjesë nga debati:

Berisha: Rishiko pozicionin sepse ti punon kundër PD për interes të Bashës i cili kontrollohet nga Rama. Përbashkimi i PD ka patur vështirësi, por ekziston një vullnet i gjerë si në bazë, si te deputetëve, për të zhbërë një periudhë të shkurtër përçarje. Nuk erdhëm si pushtues, të dhashë dorën kur erdhëm. Pa asnjë tagër Alibeaj padit PD-në në gjykatë. Padit një proces që demokratët e kanë pranuar. Yuri Kim ka bërë presion në gjykatë.

Alibeaj: Kam shumë respekt për ju doktor. Por në cilësinë time duhet që ta apeloja vendimin e gjykatës. Unë nuk e kam bërë në titull personal ankimin. Vendimi i gjykatës mendoj se është i paligjshëm, kur të flasë Apeli do e pranoj i pari.