Radar
Legalizimi i kanabisit, Rudina Hajdari: Rama komandohet nga krerët e trafikut të drogës, synon të pastrojë paratë e tyre
Ish-deputetja e PD, Rudina Hajdari ka komentuar çështjen e legalizimit të kanabisit. Sipas saj, Rama po legalizon kanabisin, duke u fshehur në justifikimin që do të përdoret vetëm për qëllime mjekësore.
Hajdari tha për “Quo Vadis” se kryeministri komandohet nga krerët e trafikut të drogës, duke shtuar se përmes legalizimit, Rama do të pastrojë paratë e trafikut.
“Rama po legalizon kanabisin duke u fshehur në justifikimin që po e bën për tu përdorur për arsye shëndetësore. Edi Rama më pas do të ofrojë edhe amnistinë fiskale që do të falë gjithë këta njërëz që kanë kultivuar gjithë këto kohë kanabis. Rama do të bëjë që kjo të ndodhë në mënyrë të ligjshme që të amnistojë të gjitha bashkëpunëtorët e tij. Ai komandohet nga krerët e trafikut të drogës. Ai merr këto hapa që të pastrojë gjithë paratë e tyre”, tha Hajdari.
