Këngëtarja Rosela Gjylbegu ka përgëzuar punën e bërë nga këngëtarja përfaqësuese e Malit të Zi në Eurovizion, Vladana, duke thënë se juria në Shqipëri është e paaftë dhe me vesh muzikor të lodhur.

Në një status në Facebook, Rosela shkruan se në Shqipëri me artin bëjnë pazar. Njëra nga ndjekëset e ka pyetur se përse nuk ka qenë prezent në skenën e madhe të festivalit, ku këngëtarja i është përgjigjur se nuk mund të sakrifikonte dhe harxhonte energji kur fituesi ishte zgjedhur një vit më parë si në 2020.

“Kur punohet me seriozitet, pasion e me profesionistë për ti dhënë zë shpirtit, për me përfaqësu veten dhe një komb të vogël si ky i joni që ka kaq shumë nevojë për me përjetu emocione të bukura, me pasë ça me u krenu apo frymëzu në kto kohë çoroditëse… rezultati është ky. Por s’eshte rastin jonë kuptohet… Sepse si gjithmonë ktu te ne ato që e patën dhe e kanë pas fatkeqsisht prej vitesh në dorë me vendosë në ktë punë, janë totalisht të paaftë e me një vesh muzikor të lodhun, aq mendjengushtë sa edhe me artin bëjnë pazar, e normal që stafetën për me dal nga fundi nëpër kompeticione të tilla s’na e kalon kush… S’kam asgjë personale, e di që s’do ju pëlqejë ky status disave por kjo është e vërteta e shëmtuar në Shqipërinë tonë të vogël me super talente që si vlerëson askush…Vec kur shkëlqejnë nëpër botë e kujtohen për ta fillojnë e delirojnë duke marrë merita boshe për suksesin e tyre…Nejsee.. Shijoni muziken e tekstin e bukur të kësaj kënge me një mesazh shumë të ndjerë e personal që kjo super Artiste ja dedikon humbjes së nënës së vet nga covidi…”, shkruan Rosela.

Këtë vit Shqipëria përfaqësohet në “Eurovision” nga këngëtarja Ronela Hajati me këngën “Sekreti”