Radar
Baton Haxhiu: Problemi i PS janë ‘lufta’ e klaneve; Bushati i përmend me emra
Analisti Baton Haxhiu deklaron se një nga problemet brenda Partisë Socialiste është ekzistenca e klaneve brenda PS.
Duke analizuar se çfarë pritet të ndodhë në Kongresin e PS më 9 prill, Haxhiu tha në Euronews Albania se në parti ka më shumë një luftë brenda llojit se sa me kundërshtarin për arsye se ndihen shumë komod pas përçarjeve në PD.
“Tirana është evidente se kush e fiton garën për kryetar të PS dhe shihet si pasardhës i lidershipit”, tha ai.
Për luftën e klaneve brenda PS foli edhe analisti Andi Bushati duke përmendur “armiqësinë mes Belinda Ballukut dhe Erion Veliajt” si dhe “armiqësinë mes Taulant Ballës dhe Damian Gjiknurit”.
Gjithashtu ai përmendi dhe armiqësinë mes Arben Ahmetajt dhe Erion Veliajt.
