Dmytro Kuleba, tre kërkesa për NATO-n: Armë, armë, armë

Kam tre kërkesa sot për Këshillin Atlantik: armë, armë, armë. Ne këmbëngulim në thirrjen për një embargo ndaj naftës dhe gazit rus dhe shkëputje të plotë të Rusisë nga portet. Shpresoj se nuk do të ndodhë më një situatë ku nevojiten më shumë ngjarje si Bucha për të vendosur sanksione të reja. Nuk mund ta besoj, se populli ukrainas duhet të vuajë aq shumë për të bindur politikanët europianë që të veprojnë.

Kështu deklaroi ministri i Jashtëm i Ukrainës, Dmytro Kuleba, në kërkesën drejtuar NATO-s.

Nga ana e tij sekretari i përgjithshëm i NATO-s, Jens Stoltenberg, shprehu adhurim për guximin dhe udhëheqjen e Ukrainës, duke e cilësuar si frymëzim për të gjithë botën.

Aleatët ju kanë mbështetur dhe ju kanë dhënë mjete të ndryshme për t’u mbrojtur. Por tani ne duhet të ofrojmë ndihmë të mëtejshme dhe jam i sigurt se liderët do të vendosin t’i dorëzojnë Ukrainës sisteme anti-ajrore, anti-tank, por edhe armë më të rënda.

Deklaratat e Kuleba dhe Stoltenberg u bënë sot në mëngjes, teksa ministrat e Jashtëm nga vendet anëtare të NATO-s do të takohen në Bruksel gjatë së enjten për të diskutuar sanksionet kundër Rusisë dhe mënyrat për të mbështetur Ukrainën.