Gjykata e Tiranës ka zbardhur vendimin për njohjen e Kuvendit të 11 Dhjetorit të thirrur nga ish-kryeministri Sali Berisha.

Sipas vendimit, gjykata konkludon se Komisioni i Rithemelimit ka bërë një kërkesë në përputhje me ligjin, duke konstatuar se mbledhja e Kuvendit Kombëtar më 11 Dhjetor është kryer në përputhje me Statutin e Partisë Demokratike.

Me vendimin e gjykatës, drejtimi i PD i kalon juridikisht Komisioni të Rithemelimit.

“Për shkak se në secilin mbi 4200 formularët e kërkesave të depozituara për mbledhjen e Kuvendit Kombëtar, nënshkruesit e identifikonin veten përveçse me gjeneralitetet përkatëse, edhe me funksionin me të cilin mbanin në strukturat e PD. Gjykata verifikoi në radhë të parë secilin nga pozicionet e nënshkruesve, përfshihej në listën e funksioneve që përbëjnë Kuvendin Kombëtar të PD. Gjykata verifikoi edhe nëse shtetasit nënshkrues të thirrjes së Kuvendit Kombëtar përfshiheshin në listën emërore të funksionareve të PDSH, të cilët në momentin e thirrjes së tij përbënin listën e Kuvendit kombëtar. Për këtë qëllim gjykata pasi administroi provat shkresore, vrenjti se listat bashkëngjitur këtyre dokumenteve përbëjnë listën e plotë zyrtare të deklaruar të shtetasve, të cilët përbënin Kuvendit Kombëtar të PD në momentin e thërritjes së tij nga anëtarësia”, thuhet në vendim.