Radar
Thirrja e Vitali Klitschko: Çdo euro që merrni nga Rusia, është gjak ukrainas
Kryebashkiaku i Kievit, Vitali Klitschko, u ka kërkuar politikanëve evropianë që të ndërpresin të gjitha lidhjet tregtare me Moskën, duke thënë se pagesat ndaj Rusisë janë të mbuluara me “gjak” dhe ndihmojnë për të financuar ushtrinë e saj.
“Çdo euro, çdo cent që merrni ose dërgoni në Rusi ka gjak; janë para të përgjakshme dhe gjaku i këtyre parave është gjaku i Ukrainës. Gjaku i popullit ukrainas”, tha Klitschko, raporton BBC.
Klitschko gjithashtu përshkroi “gjenocidin e ukrainasve” pas një vizite në Bucha këtë javë.
Ai thotë se pa civilë të vdekur, duke përfshirë një grua të moshuar, dhe një makinë me një flamur të bardhë dhe shkronjat “fëmijë” nga jashtë që ishin qëlluar dhe kishte gjak brenda.
