Sipas një studimi bestytnitë mund të përmirësojnë performancën e një personi sepse nxisin vetëbesimin. Edhe pse shumica e bestytnive janë të zakonshme, disa mund të jenë vërtet të çuditshme dhe mund të zbulojnë një anë të fshehur të personalitetit të të personit që i ka.

Nga ana tjetër ato vërtetojnë se të gjithë kemi frikë dhe pasiguri, pavarësisht sa të pasur apo të famshëm mund të jemi.

Kuriozë të dini se çfarë bëjnë disa ngë të famshmit e Hollivudit? Këtu janë disa nga ritualet e veçanta të tyre që i bëjnë të ndihen të relaksuar dhe të kënaqur.

1. Cameron Diaz

Aktorja 49-vjeçare mban një varëse fatsjellëse me një patkua të vogël pasi beson se ka një veti mistike kundër plakjes. Megjithatë, aktorja këmbëngul që nuk është tip supersticioz.

2. Heidi Klum

Supermodelja gjermane mban gjithmonë në çantë dhëmbët e qumështit. Ajo shtoi se nëna e saj i kishte mbajtur të gjithë dhëmbët që i kishin rënë kur ishte fëmijë në një qese. Dhe Heidi e mbante atë me vete si një hajmali kur ishte e re dhe kur udhëtonte nëpër botë si modele.

3. Jennifer Aniston

Ylli i Hollivudit zbuloi një herë se sa herë që i duhet të hipë në aeroplan, ajo gjithmonë hyn me këmbën e djathtë dhe prek pjesën e jashtme të avionit. Ajo tha se e bën këtë ritual sepse beson se i sjell fat.

4. Paris Hilton

Hilton duket të ketë një vlerësim të veçantë për orën 11:11. Ajo kompaninë e saj e quajti media ‘11:11’ dhe madje zgjodhi të martohej më 11 nëntor. Paris ka thënë se “11:11 ka qenë gjithmonë ora ime e preferuar e ditës. Shprehja një dëshirë dhe ndihesha e hapur ndaj mrekullive.”

5. Kit Harington

Aktori i “Game of Thrones” ka pranuar se ka disa objekte fatsjellëse, përfshirë nëj stilolaps. ”Është një që e kam pasur që fëmijë dhe e mbaj kudo. Nuk e kam humbur ende, kam humbur gjithçka tjetër.”

Ai ka treguar edhe se sa herë që i duhet të hipë në aeroplan, ai prek para se të hyjë pjesën e jashtme 3 herë.

6. Kim Kardashian

Influencuesja e famshme ka pranuar se është “një person supersticioz” dhe se beson të gjitha llojet e ritualeve. Ajo gjithashtu se e gjithë familja e saj është shumë supersticioze.

“Sa herë që dëgjojmë një ambulancë… ne gjithmonë i prekim flokët.” ka thënë Kim. Një tjetër ritual të cilin e ka treguar është se hyn gjithmonë me këmbën e djathtë kudo shkon dhe sa herë hipën në avion.

7. Taylor Swift

Edhe pse shumë njerëz mund ta konsiderojnë numrin 13 si fat të keq, për këngëtaren amerikane 13 është numri me fat. Ajo pranoi se e vizaton në dorë sa herë që del në skenë sepse beson se ”13” i sjell fat.

Taylor ka folur më tej lidhjen e saj me “13” duke thënë: “Kam mbushur 13 vjeç të premten më 13. Albumi im i parë u bë i artë në 13 javë. Kënga ime e parë numër 1 kishte një hyrje prej 13 sekondash. Sa herë që kam fituar një çmim, jam ulur në vendin e 13-të, në rreshtin e 13-të”.

8. Kris Martin

Këngëtari i Coldplay dikur pranoi se kishte një “ritual specifik para koncertit” prej rreth 18 gjërash që i bënte gjithmonë përpara se të dilte në skenë. Ai zbuloi se njëra prej tyre është të lajë dhëmbët duke thënë se ai ”nuk do të ndihej i zgjuar” nëse nuk do ta bënte.

9. Megan Fox

Aktorja amerikane ka rrëfyer se nuk është adhuruese e fluturimit sepse kjo e frikëson. Për fat të mirë, Megan ka gjetur një mënyrë të thjeshtë për të kontrolluar frikën e saj, duke thënë se sa herë që avioni përjeton turbulenca, ajo dëgjon këngët e Britney Spears. Ajo ka shpjeguar se këngët e saj e bëjnë gjithmonë të ndihet më mirë.