Sali Berisha dhe Arjan Çani

Arjan Çani ishte i ftuar në emisionin “Të Paekspozuarit” në MCN TV, ku foli për ngjarjet në PD, pas largimit të Bashës. 

Çani tha se edhe në ambasadën amerikane në Tiranë, ka persona të shërbimeve që mendojnë ndryshe nga DASH dhe linja zyrtare për Sali Berishën. 

“Berisha nuk duhet të tërhiqet në asnjë mënyrë. Berishën e rikthyen në lojë pa dëshirën e vet amerikanet, e kam fjalën për zyrat që kontrollohen nga Soros pra DASH. 

Ka disa Amerika. Pas 6 marsit, kur rezultati u pa, kanë filluar takime që nuk dalin në media. Gringot kanë dy kanale komunikimi. Njëra DASH dhe tjetri kanali i CIA. Po të flasësh me ata që punojnë për CIA-n në ambasadë, ata kanë opinion krejt tjetër për Berishën. Kam informacione dhe këto nuk janë akuza. Janë njerëz që pinë kafe në hotele të shtrenjta në Shqipëri. Nuk është kaq bardhë e zi loja.

Berisha nuk mund të ikë nga kjo jetë me turp. Gjërat po ndryshojnë me shpejtësi. Berisha është politikan brilant me nuhatje politike të niveleve të larta. Berisha ka thënë sot që të gjitha kontributet janë të mirëpritura, e ka hequr dhe nofktën Lul Brava, ka thënë Lul Basha.

Sot Berisha është në gjendje të thotë që unë jo vetëm nuk do të përjashtoj njeri por bashkoj.