Balerini Ilir Shaqiri ka folur për shoqërinë me ish-konkurrentët brenda shtëpisë së Big Brother Vip.

I ftuar në emisionin ‘Breking Top news’, Shaqiri tha se momentin që bashkëjeton me persona të tjerë, detyrimisht do të krijosh edhe miqësi, qoftë edhe nëse kjo është e sforcuar.

Diskutimet e forta, sipas tij, kanë qenë edhe arsyeja që ka qeshur shumë pak brenda shtëpisë së Big Brother VIP.

“Nuk u futa në lojë, kam qenë gjithmonë. Aty ishte një shoqëri e forcuar, e detyrueshme, në një ambient që do apo nuk do, edhe me ato njerëz që nuk do të kishe komunikim.

Doli ajo që thosha gjithmonë që Donaldi është djalë kreativ, por kishim pikëpamje të ndryshme. Nuk mendoja se do të kisha komunikim me të jashtë. jam person shumë alegro, më pëlqen të jem mirë dhe të jenë mirë njerëzit që më rrethojnë.

Por aty brenda për një kohë ndodhi e kundërta. Kishte çdo prime diskutime të forta. Momentet me Sabianin kanë qenë të kufizuara, më shumë qanim hallet,”- tha Iliri. 

Ilir Shaqiri doli edhe fitues nga Big Brother VIP. Ai rrëmbeu çmimin e madh prej 100 mijë eurosh.