S’është tabu: Fazat e eksitimit te femra

Mbas postit që fliste për orgazmën, pyetjet rreth eksitimit, aktrimit të orgazmës, asaj që është normale apo jo, dëshirës seksuale – ishin aq të shumta, saqë vendosa të shkruaj përsëri.  Këtë herë për të gjitha fazat që kalon trupi i një vajze apo gruaje para dhe mbas orgazmës. Mbani shënim !

FAZA 1 – Eksitimi

Gjatë kësaj fazë në trupin e të dashurës tënde mund të vësh re të gjitha ose disa nga këto:

• Thithkat forcohen
• Rritet lubrifikimi
• Ndarje dhe rritje e buzëve të mëdha
• Rritje e rrahjeve të zemrës
• Skuqje në qafe dhe trup
• Frymëmarrje e vështirë
• Tensioni i muskujve
• Fryrje e vaginës dhe buzëve të vaginës
• Rritje e gjinjve
• Rritje e presionit të gjakut
• Rritje e mitres
• Zgjatimi i kanalit vaginal
• Rritje e ndjeshmërisë së klitorisit

FAZA 2- Plateau

Gjatë kësaj faze kemi ndryshime të faktorëve të mëparshëm

• Zgjerim i plotë i cervix ( qafa e mitrës)
• Zgjerim i plote i vaginës
• Rritja e madhësisë së buzëve
• Zhvillim i platformës orgazmike
• Mbrojtja e mitrës nga goditjet e penisit

FAZA 3- Orgazma

Gjatë kësaj fazë trupi shkarkon të gjithë energjinë seksuale që ka akumuluar në fazat e mëparshme

• Fillojnë kontraktimet në murin vaginal, mitër, rectum
• Pjesa me e madhe e kontraktimeve kanë interval kohor 8 sek dhe frekuenca shkon nga 3 deri në 15
• Lëvizje të ndryshme të fytyrës
• Rritje e frymëmarrjes
• Rritje e nivelit të gjakut
• Mundësi të prezencës së lëngjeve vaginale
• Pulsim të platformës orgazmike

FAZA 4 – ZGjIDHJE

Gjatë kësaj faze trupit kthehet në gjendjen fillestare, në gjendjen para eksitimit

• Mitra del nga pozita mbrojtëse
• Vagina kthehet në përmasa normale
• Klitorisi kthehet në normalitet
• Buzët e vaginës kthehen në normalitet

Këto, janë ndryshimet fizike që ndodhin gjatë kohës së pre-orgazmës, orgazmës dhe post-orgazmës. Shpresoj që këto rreshta të ju ndihmojnë të njihni më mirë trupin tuaj, atë të partneres tuaj dhe në përgjithësi të shijoni maksimalisht gjithë marrëdhënie.

Dashuria për veten, pranimi dhe njohja e vetes janë elementët kryesore në marrëdhënien që kemi me veten dhe padyshim dhe me të tjerët.

Nga Zhaklin Lekatari (tabu.al)