Burg modeles turke sepse postimi i saj konsiderohet fyerje ndaj Erdoganit

Një modele, e kurorëzuar më parë Miss Turqia është dënuar sepse ka fyer Presidentin Recep Tayyip Erdogan me një postim në rrjetet sociale.

Merve Buyuksarac, i ishte dhënë liri me kusht për 14-muaj,  që do të thoshte se ajo do të burgosej nëse gjatë kësaj periudhe bënte diçka që mund të quhej si “riofendim”.

27-vjeçarja që fitoi konkursin e Miss Turqisë në vitin 2006, mbahej në mbikëqyrje pasi kishte shpërndarë një poemë satirike në llogarinë e saj në Instagram në vitin 2014.

‘The Master’s Poem’, kritikonte  Erdoganin, në atë kohë Kryeministër duke përshtatur vargjet e himnit kombëtar.

“Unë e ndava sepse m’u duk për të qeshur. Nuk kisha ndër mend të fyeja Presidentin Recep Tayyip Erdoğan” , ka thënë Buyuksarac në atë kohë.

Prokurorët mbronin tezën që kjo ishte një fyerje për Erdoganin, I cili ka hapur gati 2000 çështje fyerjesh që kur u bë president në vitin 2014, duke përdorur një ligj të mëparshëm që nuk përdorej shumë I cili ndalonte fyerjen ndaj tij.

Liderët dhe vëzhguesit ndërkombëtarë kanë ngritur shqetësimin e shkeljes së lirive në këtë shtet, ku zërat kritikë në media dhe politikë janë shenjestruar nga një valë e re ligjesh të reja dhe arristimesh për fyerje.