Era e keqe e gojës është një problem për të cilin secili nga ne duhet të shqetësohet. Në disa raste është normale që goja juaj të mbajë erë të keqe por duhet të bëni kujdes nëse një gjë e tillë kthehet në diçka kronike.

Ekzistojnë shumë arsye që ndikojnë në këtë problem por jeni ju që duhet të zbuloni shkaqet nga se vjen. Meë poshtë do listojmë disa nga shkaqet më të njohura në lidhje me këtë problematikë;

Moskujdesja në mënyrë të rregullt ndaj dhëmbëve tuaj është një ndër shkaqet kryesore që ndikon në erën e keqe të gojës.

Nuk pini ujë aq sa duhet

Nga dehidratimi prodhohet më pak pështymë dhe goja nuk pastrohet si duhet nga qelizat e vdekura.

Jeni alergjike

Personat alergjikë, të cilët mund ta kenë hundën e zënë zakonisht marrin frymë me gojë. Kjo shkakton tharjen e kavitetit bukal.

Ushqeheni me produktet e gabuara

E dimë që hudhra apo qepa mbajnë erë të keqe, por ato nuk janë të vetmet. Produktet e qumështit apo edhe ato që përmbajnë shumë lucide mund të sjellin erë të keqe të gojës.

Vuani nga sinusi

Sinoziti është një lloj infeksioni i cili mund të sjelle edhe ai erën e keqe të gojës.

Keni djegie stomaku

Nëse ju djeg stomaku atëherë në goje vijnë here pas herë acide. Kjo shkakton erë të pakëndshme.

Keni probleme me shëndetin

Era e keqe e gojës ka dhe raste kur mund të jetë simptome për ndonjë sëmundje të rënde si kanceri i hundës, i veshëve, i qafës apo i gojës.

Gjithmonë duhet të jemi të kujdesshëm nëse do të ndeshemi me një problematikë të tille tek vetja.