Mix
E përlotur, Fjolla Morina rrëfen ditët në burg: Vajzat e përjetuan shumë keq
Këngëtarja Fjolla Morina ka qenë në qendër të lajmeve rozë dhe kjo për shkak të ngjarjes që i ka ndodhur. Arrestimi i saj ka bërë bujë në të gjitha mediat shqiptare dhe pas daljes nga burgu, këngëtarja ka treguar me detaje për herë të parë rreth kësaj ngjarje.
Ajo ka dalë ekskluzivisht në një intervistë për televizionin T7. Fjolla Morina tha se ishte periudha më e vështirë të jetës së saj dhe se shumë shpesh kishte menduar se nuk do t’ia dalë.
“Burgun e kam përjetuar shumë rëndë, kam menduar se do të ndodhë diçka shumë e keqe me mua, isha në pikën zero dhe përfundova te psikiatri”, ka rrëfyer ndër të tjera këngëtarja.
Ajo tregoi më tej se kjo ka bërë që vajzat e e saj ta përjetojnë shumë keq.
“Deri të vdes s’kam me harru, vajzat e përjetuan shumë keq. Madje, vajza e vogël ka qenë shpesh nëpër mjekë”, tha Morina, teksa shtoi se nuk e ka merituar burgun.
