Kryetari i shkarkuar Lulzim Basha ka reaguar menjëherë pas lajmit se ka takuar mbrëmjen e djeshme Taulant Ballën dhe Erion Veliajn në hotel ‘Prestige’.

Megjthëse takimi është zhvilluar  pasi Basha ka mbaruar emisionin në news 24, pra pas orës 23.30, Basha është justifikuar se ka qenë atje për ngushllime në familjen Hysenbelliu.

Por po kaq rastësi ka qenë sipas Bashës edhe prania e Veliajt dhe Ballës në të njëjtën orë.

Reagimi i Lulzim Bashës
Shpifjet e Syrit të Sali Berishës vazhdojnë edhe sot, me lajme të sajuara turpshëm dhe që synojnë të fshehin të vërtetën që sot e di çdo demokrat, që Sali Berisha po tenton të dëmtojë PD për interesin e tij personal.

Kryetari i Partisë Demokratike z. Lulzim Basha, i shoqëruar nga bashkëshortja e tij, nuk kanë qenë në asnjë takim apo darkë në hotel “Prestige”, por kanë qenë atje për ngushëllim në familjen Hysenbelliu, për shkak të ndarjes nga jeta të kryefamiljares së tyre të shtrenjtë. Degradimi i një media personale për hallin personal të Sali Berishës shfaq edhe njëherë përpara çdo demokrati dhe qytetari shqiptar, se vendimi i Partisë Demokratike për të zgjedhur të ardhmen dhe për të lënë pas të shkuarën, është interes madhor i demokratëve dhe Shqipërisë.