Ky i Dhuratës është varianti më i shëndetshëm i hashures. Përvec mjaltit, nuk ka sheqer të shtuar dhe as niseshte për ta trashur. Sot nuk është dita e hashures por meqenëse është festa e Sulltan Novruzit, mund ta hani një, si pjatë e traditës së bektashinjëve.

Receta dhe fotografia nga Dhurata Thanasi Daneri

Përbërësit:
600 gr grurë, 1500 ml ujë, 4-5 lugë gjelle mjaltë, 1 lugë gjelle kanellë pluhur, 100 gr rrush tê thatë, 180 gr arra të thërmuara, 100 gr kumbulla të thata, kokrrat e një shege mesatare, 1 lugë kafeje kripë të trashë

Përgatitja:
Lajmë grurin e ashures dhe e shtojmë në një enë të thellë. Shtojmë ujin me pak kripë dhe e zjejmë në zjarr të ngadaltë për gati 1-2 orë. Pasi gruri është zjerë dhe ka trashur ujin e largojmë nga zjarri dhe i shtojmë kanellën. E përzjejmë mirë. Mëpas shtojmë lugët e mjaltit, kumbullat, rrushin apo dhe fiqtë e thatë . Kumbullat dhe fiqtë i presim në copëza të vogla. E shtrojmë nëpër gota apo enë ëmbëlsirash dhe e mbulojmë me arra të shtypura, rrush të thatë, shegë dhe e pluhurosim me kanellë. Ky është versioni jonë. Shumëkush i shton dhe misra, qiqra.