Zbardhen disa nga vendimet e Kuvendit Kombëtar të PD po mbahet në stadiumin “Air Albania”.

Mësohet se është ngritur komisioni i rithemelimi të PD, pjesë e të cilit është edhe ish lideri i PD, Sali Berisha, ndërsa më 22 Mars, mblidhet përsëri Kuvendi për të zgjedhur strukturat e reja te PD-së.

Kuvendi i Rithemelimit të Partisë Demokratike ka vendosur të anulojë edhe Kuvendin e thirrur më 18 dhjetor nga Lulzim Basha.

Po ashtu, u vendos që me votim të fshehtë shkarkimin e kryetarit të PD, Lulzim Basha. Po ashtu, përveç Bashës, shkarkohen edhe nënkryetarët dhe sekretarët e zgjedhur nga ana e Bashës, Gazment Bardhi si edhe të tre nënkryetarëve,  Grida Duma; Jorida Tabaku dhe Enkelejd Alibeaj, si dhe ka shpallur Azem Hajdarin, Heroin e Demokracisë, kryetar nderi të Partisë Demokratike.

Këlliçi: Në mbështetje të nenit 42-43 të PD me propozimin e 7 deputetesh të PD, kuvendi kombëtar vendosi konstatimin e pavlefshmërisë absolute të nënkryetareve të PD , sekretarit të përgjithshëm dhe sekretarëve, kryetarët e komisionit të partisë si te zgjedhur në kundërshtim flagrant dhe ndalimin e  tyre për shtrimin e detyrave

Kontatimin e pavlefshmërisë të mbledhjes së 15 nëntor për shkak të pjesëmarrjes së personave të pazgjedhur dhe mungesës së kuorumit

Anulimin e thirrjes publike e degëve të PD për mbajtjen e kuvendit kombëtar të 18 dhjetorit. Ky vendim hyn në fuqi menjëherë

Në mbështetje të nenti 42. 43 64 të statutit me propozim të 7 deputetëve të PD, Kuvendi vendosi ngritjen e komisionit të rithemelimi të PD: Agron Shehaj, Albana Vokshi, Aldo Bumci, Arben Ristani, Belind Këllici, Blendi Humci, Bujar Nishani, Clirim Gjata, Edith harxhi, Edi Paloka, Edmond SPaho, Eno Bozdo, Ervin Minarolli, Flamur Noka, Genc Denomemaj, Genc Pollo, Gent Strazimir, Rigels Muso, Keltis Kruja, Klevis Balliu, Ledina Mandija, Luan Baci, Lorenc Luka, Mimoza Hajdarmajt, Oerd Bylykbashai dhe Sali Berisha.

Vendosjen e votimit me votë të fshehtë për shkarkimin e kryetarit të PD, Luzlim Basha

Në mbështetje të nenit 43 gërma ç, Kuvendi Kombëtar vendosi: të votoje me votim të fshehtë të delegatëve për shkarkimin e Lulzim Bashës për thyerje të renda të statut të PD, përvetësim të kompetencave dhe dëmtim të interesave politike.

Votimi të kryhet gjatë punimeve të kuvendit. Fleta e votimit të përmbajë pyetjen; A jeni dakord me shkarkimin e Lulzim Bashës? Vendimmarrja e dalë nga kuvendi të ratifikohet me referendumit në anëtarësin e PD që do mbahet në 18 dhjetor në degët e PD. Fleta e votimit në referendum të përmbajë pyetjen: A jeni dakord me vendimin e kuvendit kombëtar për shkarkimin e Bashës?