Analisti i Lulzim Bashës dhe mbrojtësi i tij Vehap Kola, shquhet për krijimin e rrëmujës dhe trazirave në Komunitetin Mysliman.

Që në vitin 2015, Kola, i është futur kësaj loje.

Është vetë analisti i Bashës që e ka bërë konfirmimin me anë të një statusi në rrjete sociale, që në vitin 2015, kur shkruante se Komuniteti Mysliman i Shqipërisë është kapur nga një organizatë okulte.

Sipas tij kjo organizatë e përdorte, Komunitetin Mysliman duke nisur që nga pasuria e deri tek devijimi i fesë.

“Presidenti i Turqisë, Rexhep Taip Erdogan artikuloi sot atë që shumica e dërrmuese e mylismanëve të Shqipërisë besojnë: Komuniteti Mysliman i Shqipërisë është kapur nga një organizatë okulte dhe përdoret prej saj për interesa tërësisht të kundërta me interesat e bashkësisë së myslimanëve shqiptarë.

Jo vetëm që kjo organizatë e fshehtë po abuzon me pasurinë të drejtën dhe integritetin e myslimanëve të Shqipërisë, por ajo po devijon edhe mësimet themelore të islamit në favor të interesave të saj organizative.

Është koha që myslimanët synitë të Shqipërisë të bashkohen, përtej çdo ndasie pikëpamjesh sekondare e fërkimesh lokale, për t’ia kthyer institucionin besimtarëve dhe për të mos lejuar përdorimin e mëtejshëm të tij për devijimin e fesë islame”, -shkruante Kola në vitin 2015, në një status në rrjete sociale, që po e sjellim më poshtë.

Kola herë si erdoganist, herë si lulzims, ka tentuar të ketë “luftë” me Komunitetin Mysliman, duke dalë publikisht me të tilla mesazhe dhe duke folur për marrje peng, nga organizata okulte.

Por, kush janë organizatat okulte, për të cilat flet Vehap Kola? Një dëshmi të tillë të bërë publike, Kola duhet t’ja kishte thënë Prokurorisë apo SPAK-ut sot./CNA.al