Mediat e huaja shkruajnë se është arrestuar bosi i mafias turke, Sedat Peker, i cili njihet dhe si një kundërshtari i Presidentit turk, Rexhep Taip Erdogan.

Lajmi është bërë publik nga Al Jazeera. Megjithatë, asgjë nuk është konfirmuar nga autoritetet turke dhe deri më tani, jemi në vazhdën e aludimeve dhe burimeve.

Kujtojmë se Turqia ka kërkuar ekstradimin e Peker, i cili pak muaj më parë ka bërë një seri akuzash kundër zyrtarëve të qeverisë turke dhe të qeverisë në territoret e pushtuara. Ai u vu në shënjestër kryesisht nga ministri i Brendshëm turk, Suleyman Soylu.

Vlen të theksohet se informacioni fillestar për arrestimin e Pekerit, i cili nuk u verifikua, përkoi me vizitën e sotme të Rexhep Tajip Erdogan në Katar. Në fakt, përpara se të nisej për në Katar, Erdogan tha se Ankaraja dëshiron të zhvillojë marrëdhëniet e saj me vendet e Gjirit “pa diskriminim”.

Përveç kësaj, artikulli i Al Jazeera kujton vizitën e fundit të Sheikh Mohammed bin Zayed Al Nahyan në Ankara, i cili u takua me Erdoganin dhe nënshkroi “marrëveshje shumë miliarda dollarësh”.