Për të shkuar mirë me kolegët, duhet të shohim anën pozitive dhe të sillemi sa më mirë, duke thënë “po” çdo herë që të jetë e mundur.

Për t’u ndier mirë me të tjerët në punë nuk mjafton vetëm të kemi një komunikim të mirë, por edhe të kemi , dashuri, bashkëpunim, në mënyrë që të kemi rendiment . Kështu rezultonin disa sudime . Po çfarë ndodh në momentin kur këto marëdhënie janë më të ngushta se ç’duhet? Çfarë ndodh kur brenda zyrës lind një dashuri? A e rrit kjo rendimentin në punë?

Paragjykimet e këtyre fenomeneve  që ndodhin në punë i hedhin poshtë shumë sondazhe. Ata tregojnë  se shumë çifte janë njohur janë martuar në vendet e punës.  Por zakonisht, pjesa më e madhe e njerëzve mbron idenë se të kesh një histori në zyrë të jep më shumë lumturi dhe energji dhe kështu, të bën ta duash më shumë punën që bën. Njerëzit që lidhen me kolegët e tyre i njohin mire ndjenjat e tyre dhe kjo prodhon më shumë energji dhe kapacitet pune. Ky efekt favorizon dhe një sjellje më profesionale dhe zhduk mundësinë e krijimit të problemeve me shefin, apo me kolegë të tjerë. Por si do do ta mendonte një burrë apo një grua këtë fenomen?

Burrat në përgjithësi, sidomos ata më lart në shkallë hierarkie, mohojnë faktin që dashuria  brenda zyrës të jetë një mjet që tregon fuqi.  Ndërsa  për fat të keq  gratë që janë në një status social më të ulët kanë rënë në grackën e dashurisë me burra që janë më lart në shkallë hierarkie. Dhe kjo padyshim sjell pasoja pasi marrëdhëniet me shefin apo me kolegët, janë zakonisht problemet kryesore që hasen në ambientin e punës. Megjithatë fenomene të tilla herë ulin dhe herë rrisin rendimentin në punë, pasi  shtrohet pyetja se çfarë do të ndodhtë nëse lidhja do të mbaronte në mënyrë të dhimbshme? Ku do të ishte rendimenti?

Në fakt kjo duhet menduar mirë dhe padyshim lë vend për debat pasiqë nëse  lidhja do të mbaronte  në mënyrë të dhimbshme atëherë do sillte  pasoja katastrofike në planin personal dhe profesional, duke influencuar negativisht jo vetëm  rendimentin në punë , por edhe  raportet me kolegët e tjerë.