Këshilla se si të kurseni në supermarket :

Bëni një listë javore të nevojave që keni
Bisedoni me familjarët tuaj dhe bëni listën e nevojave / blerjeve për një apo dy javë, pastaj shikoni recetat e ushqimeve që do të zieni / gatuani. Ndani zarzavatet që keni,  dhe shikoni se çka duhet të bleni. Nëse i keni zarzavatet përdorni ato, është keq që të hudhni zarzavatet / ushqimin e të bleni ushqime të reja.  Kjo është njësoj si ti hudhni paratë.

Bleni ushqime në pako familjare 
Pakot e mëdha kushtojë më lirë, bleni pako familjare dhe në sasi më të madhe, pastaj i ndani ato në shtëpi dhe i ngrini nëse është e nevojshme. Kjo është një mënyrë ekologjikisht shumë e përshtatshme, sepse pakot e vogla kanë më shumë ambalazhë që ndotin mjedisin.

Mbani qese / qanta për blerje me vete
Shumë supermarkete i shesin qeset për zarzavate. Më së miri është që të mbani qanta, qese, të tekstilit kur shkoni në shoping. Kështu do të kurseni paratë, dhe në të njejtën kohë do ta bëni një punë të mirë ekologjike, për mjedisin tonë, i cili po ndotet seriozisht nga qeset e najlonit.

Bleni dy herë në muaj 
Shkoni të bleni 2 deri 3 herë në muaj. Nëse shkoni shpesh në shitore, kjo do tu bëhet shprehi, dhe sigurisht se sa herë që shkoni në shitore nuk do të dilni pa ble diçka, edhe nëse nuk ju duhet shumë.

Bëjeni listën 
Para se të shkoni për blerje bëjeni listën e gjërave që doni ti bleni. Kontrolloni në shpajz, frigorifer dhe shënoni zarzavatet që ju duhen. Njësoj veproni edhe lidhur me mjete higjienike. Kur ta dini se çka keni dhe çka po ju mungon, është lehtë ta kontrolloni blerjen. Natyrisht përmbajuni listës në mënyrë të diciplinuar, dhe mos bleni jashtë saj.

Mos shkoni të uritur në blerje 
Statistikat tregojnë se nëse shkoni të bleni të uritur do të shpenzoni dy herë më shumë, se sa zakonisht. Kur jeni i uritur gjithëçka iu duket e shijëshme, dhe gjithëçka të shijshme e hudhni në shportën tuaj. Kur të shkoni në shtëpi vështirë mund të arsyetoni blerjet e 6 patatinave, 5 qeseve me ëmbëlsira dhe 7 lloje mollash.

Mblidhni kupona 
Mblidhni kupona dhe mbani me vete, ata mund tu ndihmojnë shumë që të kurseni, edhe poqese kjo iu duket diqka që nuk nuk shpaguhet në shikim të parë. Hulumtimet kanë treguar të kundërtën.

Kujdes me zbritjet dhe likuidimet 
Përcillni zbritjet dhe likuidimet dhe gjithë ato që i keni në listë të cilën e keni bërë për blerje. Poqese ka gjëra në zbritje që nuk janë në listën tuaj nuk duhet ti vendosni as në shportë për blerje. Likuidimet dhe zbritjet në fakt kanë për qëllim që tu shtyejnë që të bleni edhe ato që nuk ju duhen dhe kështu të shpenzoni shumë më shumë. Në raste të këtilla mund të iu duket se keni bërë punë të mirë por më vonë do ta kuptoni se nuk është kështu. Poashtu kini parasysh se disa prodhime që janë në zbritje janë të kualitetit shumë më të dobët nga ato që janë ca më shtrenjët. Këshilla jonë është të bleni gjësende të kualitetit të verifikuar.