CEO i ri i Twitter Parag Agrawal, i cili shërbeu si shefi i teknologjisë së rrjetit social derisa Jack Dorsey njoftoi largimin e tij të papritur të hënën, do të marrë një pagë vjetore prej 1 milion dollarësh raporton CNBC.

Agrawal, 37 vjeç, do të kualifikohet gjithashtu për një bonus të performancës vjetore me vlerë deri në 150% të pagës së tij, që do të thotë se ai mund të fitojë deri në 2.5 milionë dollarë në vit. Agrawal i është dhënë gjithashtu një çmim aksionesh me vlerë 12.5 milionë dollarë.

Paga e Agrawal është shumë larg pagës vjetore prej 1,4 milionë dollarësh që paraardhësi i tij fitoi gjatë viteve të fundit. Dorsey mori një pagë të ulët për të simbolizuar angazhimin e tij dhe besimin në potencialin afatgjatë të krijimit të vlerës së Twitter,” tha kompania në një dosje. Ai aktualisht ka më shumë se 12 miliardë dollarë, sipas Bloomberg .

Agrawal iu bashkua Twitter-it në vitin 2011 si inxhinier softuerësh dhe u ngrit në detyrë për t’u bërë një nga partnerët më të afërt të Dorsey në hartimin e së ardhmes së kompanisë.