Angelina Jolie ka komentuar rreth ngjarjes tragjike që ndodhi vetëm disa ditë më parë në setin e filmit “Rust” me Alec Baldwin.

Aktorja 46-vjeçare e cila ka punuar në shumë projekte të ndryshme, filma aksion, qoftë si aktore por edhe si regjisore. Jolie u shpreh se procedurat mbi armët në setet e filmave duhet të merren shumë seriozisht.

Në një intervistë për “The Times” aktorja tha se: 

“Nuk mund ta imagjinoj se çfarë po kalojnë familjet. Në këtë moment dhimbja për këtë tragjedi është e pashpjegueshme. Unë gjithmonë jam treguar shumë e kujdesshme sepse më është dashur shumë herë të punoj me armë të ndryshme. Gjithmonë kam ndjekur disa procedura konkrete edhe në filmat ku kam punuar si producente. Është diçka që duhet ta marrësh shumë seriozisht.”

Ndërkohë, avokati i vajzës përgjegjëse për armët, Jason Bowles tha se arma mund të jetë ngatërruar me ato të vërtetat përpara se t’i dorëzohej aktorit Baldwin.

Hetimet për ngjarjen vazhdojnë ende.