Me sytë e ulur, i dërrmuar, me disa kile me pak- dukej sikur ishte plakur menjëherë brenda natës: kështu u shfaq Alec Baldwin në rrugë me familjen, ku po kërkon të gjejë ngushëllimin pas ngjarjes tronditëse e cila e shtyu të mendonte që të heqë dorë nga aktrimi. Ylli hollivudian qëlloi aksidentalisht për vdekje kineasten Halyna Hutchins në xhirimet e filmit të tij Rust.

Një burim pranë ciftit tha se Baldwin, është larguar nga New York City dhe po kalon kohë me gruan e tij, Hilaria, dhe gjashtë fëmijët e tyre: vajzat Carmen Gabriela, 8, dhe María Lucía Victoria, 6 muajshe, dhe djemtë Rafael Thomas, 6, Leonardo Ángel Charles, 4. , Romeo Alejandro David, 3, dhe Eduardo “Edu” Pao Lucas, 1.

“Alec dhe Hilaria u larguan nga qyteti dhe po qëndrojnë me fëmijët”, tha  burimi.

“Ata dalin herë pas here për të ngrënë darkë, por kryesisht përpiqen të mbrojnë privatësinë e fëmijëve dhe thjesht të kalojnë kohë të qetë së bashku si familje, ” u shpreh ai duke shtuar se Alec është ende shumë i pikëlluar por po përpiqet ta kalojë këtë moment të vështirë i rrethuar nga njerëzit e dashur.