“Më kërkuan për aktore”, sa e bukur ka qenë Arta Dade 20 vjeç!

Ish ministrja e jashtme, Arta Dade, një nga politikanet femra më në zë në Shqipëri, rrëfeu në studion e emisionit “Ndryshe” në Top Albania Radio, se ka pasur ofertë për të luajtur në filmin “Zonja nga Qyteti”, në rolin e Rajmonda Bulkut dhe tregoi gjithashtu se ka qenë prezantuese në Festivalin e 13 të Këngës në RTSH.”“Ëndërr nuk kam patur, që të mendoja se mund të realizohej, por kam refuzuar të luaj te filmi “Zonja nga qyteti” më ka ardhur Piro Milkani në shkollë, në vend të Rajmonda Bulkut.

Me siguri që Monda Bulku do e fitonte atë kinoprovën, por gjithsesi unë nuk shkova fare në kinoprovë. Kur kam qenë në maturë, por edhe në vit të parë shkonim në radio dhe përkthenim, flisnim anglisht, Në 89 kam dhënë dhe anglishten në Tv se filluan mësimet në Tv dhe e kam dhënë. Kam një diksion pak si ndryshe”, tha ajo.

Ka qenë e vështirë për gocat e bukura në Tirabë atëherë të ishe e bukur? Apo tani është më e vështirë të jesh e bukur, ishte pyetja që iu drejtua më tej dhe politikania u përgjigj: “Tani ç`është e drejta, neve nënat nuk na kishin ndërgjegjësuar që ishim aq të bukura se thonin që sjellja e zbukuron njeriun. Kjo është kaq e vërtetë sa që kur kam qenë spikere në Festivalin e 13- të Këngës në RTSH me Esat Telitin, kam prezantuar me shumë vështirësi se qe pas të 11-tit, dhe jo kushdo ishte i qartë…unë vajta në Festivalin e 13, e kisha Esatin partner aty, mbaroi grimi dhe më tha “sa e bukur u bëre” dhe nuk i fola të 3 ditët e festivalit se nuk ishim mësuar të na bënin komplimente. Sigurisht tani na pëlqejnë komplimentet. Dhe e kam takuar pas shumë vitesh dhe kemi mbetur miq të mire”.