Kryetari i Partisë Demokratike, Lulzim Basha ka reaguar për paralajmërimin e kryeministrit Edi Rama, për krizën energjitike dhe se vendi rrezikonte rritje të çmimit të energjisë.

Një ditë më parë, Basha mblodhi grupin parlamentar, ndërsa pas mbledhjes doli në një konferencë për mediat, ku vijoi me të njëjtat retorika.

Ai tha se PD-ja nuk do të tërhiqet, por do të përballet me këtë fatkeqësi, e të tjera si këto. Në fakt betejat dhe përballjet e Bashës në këto tetë vite demokratët i kanë parë. Demokratët e kanë parë sesi janë braktisur dhe sesi është tradhëtuar çdo kauzë.

Por, ndërkohë, konferenca e Bashës është publikuar live edhe në faqen e tij në rrjetet sociale, ku bie në sy revolta e demokratëve kundër kreut të detyrë të Partisë Demokratike.

Demokratët kanë shpërthyer në komente, akuza e deri edhe fyerje kundër Bashës, të cilin e akuzojnë si mashtrues dhe bashkëpunëtor të kryeministrit Rama.

“Ky është më i keq se Rama. Po e shkatërojnë popullin shqiptarë PD e PS”-shkruan një qytetar.

“A e dhe dorëheqjen?”-shkruan një tjetër.

Më tej, një komentues ironizon Bashën, ndërsa shkruan “A i ke ly flokët ti o Luli”

Gjithashtu një tjetër shkruan “Tallu me këtë popull o Lul”.

“Kryetar për kukull kot”-shkruan një tjetër.

Po ashtu një tjetër shkruan “Të rroftë boja që lyen flokë se politikës i ke ra në qafë kot. I le demokratët 30 vjet në opozitë!“