Qasja sipas së cilës femra është objekt në funksion të kënaqësive të mashkullit është e trishtë në vitin 2021.

Nga Adriatik Lapaj

Qasja sipas së cilës femra është objekt në funksion të kënaqësive të mashkullit është e trishtë në vitin 2021.

Ne duhet ta refuzojmë me forcë këdo i cili i imponon shoqërisë modelin e femrës së dobët, kukull ku një mashkull mund të plotësojë defiçencat e veta. Kush do të bëhet arkitekt e të dizenjojë forma le të vazhdojë shkollën për atë punë.

Nuk është femra shesh ndërtimi.

Kësaj klinikës i bëj me dije se ka një ligj që e kanë shkelur.

Për etikë nuk po i publikoj me emër, por nëse se heqin këtë reklamën nesër do e gjejnë veten te Komisioneri për Mbrojtjen nga Diskriminimi.

Ligji nr. 10221 datë 04.02.2010 “Për mbrojtjen nga diskriminimi” në nenin 8 referon: “Reklamat diskriminuese Ndalohet publikimi i reklamave dhe njoftimeve të ndryshme, nëse ato paraqesin, haptazi apo në mënyrë të nënkuptuar, qëllim për të diskriminuar, për shkaqet e përmendura në nenin 1 të këtij ligji.

Neni 1 Objekti Ky ligj rregullon zbatimin dhe respektimin e parimit të barazisë në lidhje me gjininë, racën, ngjyrën, etninë, gjuhën, identitetin gjinor, orientimin seksual, bindjet politike, fetare ose filozofike, gjendjen ekonomike, arsimore ose shoqërore, shtatzaninë, përkatësinë prindërore, përgjegjësinë prindërore, moshën, gjendjen familjare ose martesore, gjendjen civile, vendbanimin, gjendjen shëndetësore, predispozicione gjenetike, aftësinë e kufizuar, përkatësinë në një grup të veçantë, ose me çdo shkak tjetër.”