Aktivistja e Partisë Republikane në SHBA, Evi Kokalari e cila ka dalë në mbështetje të ish kryeministrit Sali Berisha ka deklaruar se kreu i PD, Lulzim Basha ka përjashtuar ish liderin e PD në këmbim të mbylljes së një dosje lobimi që ka në SHBA.

Në fjalën e saj, Kokalari tha se nëse Basha do të tentojë të hyjë në Amerikë ajo do të çojë këtë çështje në Kongres.

“Është një dosje dhe secili shkon te fara, agjencia ku regjistrohen agjentët e huaj, grupet lobiste që prezantojnë qeveritë e huaja në Amerikë. Cdo shtet paguan para dhe ndërton relacione në SHBA, por ka shumë rregulla të rrepta. Këtu Basha u ngatërrua me veten, se po të ishte i zgjuar nuk kishte pse të fshihte fondet për të lobuar për të.

Kur pashe dokumentet brenda 3-4 muaj PD pagoi 750 mijë dollarë për të lobuar në SHBA. Është shumë e madhe me standardet e SHBA. Basha nuk donte që të merrej vesh nga kishin ardhur, përdori një kompani ruse dhe bëri kontratë me firmën e lobimit ne SHBA sikur po bënin konsulcen për organizata që do investonin në Shqipëri, kjo është ilegale në SHBA.

Kompania që përdori Basha pati probleme me ligjin. Nik deklaroi paratë që mori përmes kompanisë ruse., Këtu nisën problemet e Bashës, atij iu hoq e drejta e vizës për dy tre vjet, Kjo dosje u mbyll që të nxirrte nga grupi parlamentar Sali Berishën.

Do kthehem në SHBA do kontrollojmë nëse Basha guxon të hyjë në SHBA, do e çojmë këtë dosje në kongres. Me pak fjalë, Basha nuk mundi të shpëtojë veten, i hapi gropën vetes”, tha Kokalari.