Fëmijët e Princit Harry dhe Meghan Markle, Archie dhe Lilibet, më në fund mund të jenë në gjendje të takojnë familjen e tyre të gjerë.

Familja mbretërore më në fund mund të ketë një shans për të takuar fëmijët e Meghan Markle dhe Princit Harry, Archie dhe Lilibet mes përçarjes së tyre të gjatë.

Në një intervistë për revistën Closer, autorja dhe ekspertja mbretërore Katie Nicholl tha se Krishtlindjet po shihen si një mundësi që Duka dhe Dukesha e Sussex të ribashkohen me familjen mbretërore britanike dhe t’i prezantojnë me vajzën e tyre e cila ka lindur në qershor të këtij viti.

“Kur Harry dhe Meghan u larguan, ata e bënë të qartë se nuk donin të hiqnin dorë nga shtëpia e tyre në Britani. Ata ende kanë Frogmore Cottage dhe plani i tyre ishte të ktheheshin në Mbretërinë e Bashkuar,” tha Nicholl.

“Krishtlindjet po shihen si një mundësi. Mund të ketë një zbutje, e cila mund të hapë rrugën për një shërim të përçarjes në familje,” vazhdoi ajo.

“Sigurisht kjo është diçka që dëshiron Mbretëresha. Princi Charles do të donte të shihte nipërit e mbesat e tij. Një takim sugjeron që ata shpresojnë të vazhdojnë dhe të rregullojnë gjërat,” shtoi ajo.