Radar
Rudina Xhunga: Nuk është Basha që mban Ramën në pushtet, është Berisha!
Në emisionin Shqip në Dritare TV gazetarja Rudina Xhunga foli për figurën e Lulzim Bashës si një politikan ndryshe, më shumë perëndimor dhe më pak primitiv.
“Prej vitesh që kur e kam intervistuar për herë të parë Bashën, kam parë tek ai, njeriun që mund të drejtojë një PD ndryshe. Një PD jo agresive, një PD në opozitë apo në pushtet, e cila nuk të duket sikur të hyn në shtëpi. Lulzim Basha është një portret perëndimor. Po kështu edhe zgjedhjet e tij.
Po ta shikosh fotografinë e nënkryetarëve, e sekretarëve, e të rinjve që ka sjellë këto zgjedhje, janë fytyra që mbase nuk i frymëzojnë njerëzit që kërkojnë Berishën, por të frymëzojnë një lloj qetësie.
Jo qetësi ndaj pushtetit, sepse nuk është Basha që e mban Ramën në pushtet, është Berisha që e mban Ramën në pushtet. Dhe me këtë rikthim do ta mbajë gjatë”, u shpreh gazetarja Xhunga në Dritare
