Ky është nderimi më i madh për një futbollist

Në futboll, është kthyer në një traditë që për lojtarët më të mëdhenj tërhiqet nga qarkullimi numri që ai ka mbajtur në një klub të caktuar.

Megjithatë, një numër mund të tërhiqet për shumë arsye dhe më poshtë janë disa nga emrat më të njohur të cilëve u është tërhequr numri nga qarkullimi:

1 Mark-Vivien Foe (Man Siti #23)

Mesfushori kamerunas humbi jetën në fushë nga një atak në zemër. Mançester Siti i tërhoqi nga qarkullimi fanellën me numër 23 në shenjë nderimi, ashtu si bëri edhe ish-klubi i tij Lensi, me fanellën numër 17.

2 Xhanfranko Xola (Çelsi #25)

Çelsi nuk e ka tërhequr zyrtarisht numrin e Xolës, por numrin 25 nuk e ka përdorur askush që kur u largua italiani. Edhe Xhon Terri e mori numrin 26 për të qenë pranë numrit të Xolës.

3 Paolo Maldini (Milan #3)

Nuk ka nevojë për shumë fjalë, për të thënë kush është Paolo Maldini në historinë e Milanit. Megjithatë, numri 3 i tij do të trashëgohet nga njëri prej djemve të tij, nëse do të arrijnë të luajnë te Milani.

4 Havier Zaneti (Inter #4)

Në gjysmën zikaltër të Milanos krenaria quhet Havier Zaneti dhe numri 4 i argjentinasit nuk vishet më.

5 Diego Maradona (Napoli #10)

Maradona, Napoli: një binom i pandashëm për shumë vite dhe një emër i paharruar në Napoli dhe jashtë tij. Gjithçka ka fituar Napoli, ia ka borxh argjentinasit, ndaj edhe numri 10 është hequr nga qarkullimi.

6 Raul (Shalke #7)

Çmenduri: Raul është një legjendë e Real Madridit, por numrin e tij e hoqi nga qarkullimi Shalke, ku spanjolli luajti 2 vjet. Megjithatë, një vit më pas Shalke e kuptoi se ai gjest ishte i tepruar dhe e ktheu numrin 7 në qarkullim.

7 Bobi Mur (Uest Hem #6)

Për 16 vjet Bobi Mur i shërbeu Uest Hemit, duke fituar ndërkohë edhe Kupën e Botës e duke dalë i dyti në garën për Topin e Artë. Krenaria e Uest Hemit.

8 Johan Krujf (Ajaks #14)

Numri 14 në futboll ka vetëm një kuptim: Johan Krujf. Ajaksi eka hequr atë numër nga qarkullimi që në vitin 2006.

9 Mathjë Valbuena (Marsejë #28)

Valbuena ka qenë shumë i respektuar në Marsejë dhe në vitin 2014, kur iku në Rusi, klubi hoqi nga qarkullimi numrin 28. Megjithatë, tani Valbuena shtë kthyer te Lioni dhe kjo është tradhti e pafalshme, ndaj numri është kthyer të qarkullim.

10 Karel Poborski (Çeske Budejovice #8)

Mesfushori i famshëm i Republikës Çeke, ai që i hoqi titullin Interit kur luante me Lacion në fillim të viteve 2000, është një mit sidomos te klubi çek i Çeske Budejovices.

11 Ferenc Pushkash (Honved #10)

Simboli i një brezi të artë të Hungarisë së Madhe, i cili ka luajtur më shumë se 300 ndeshje me Honvedin, duke shënuar më shumë se një gol për ndeshje. I detyruar nderimi për të.

11 Roberto Baxhio (Breshia #10)

Kur ishte 33 vjeç, Baxhio shkoi në Breshia në vitin 2000, por shënoi 45 gola në 95 ndeshje dhe u bë hero në Breshia, ndaj klubi e nderon përgjithmonë.

12 Daniel Harke (Espanjol #21)

Një tjetër lojtar i ndarë nga jeta duke luajtur futboll. Ish-lojtari i Spanjës U19 u nda nga jeta në moshën 26-vjeçare për një atak në zemër, vetëm një muaj pasi u bë kapiten i Espanjolit. Iniesta i kushtoi golin që i dha Kupën e Botës Spanjës në vitin 2010.