Në mesnatën e 3 korrikut, treshja më e mirë e momentit, Ledri Vula, Kida dhe Butrint Imeri publikuan bashkëpunimin e tyre të parë. Kënga mban titullin “Dale” dhe është një këngë mjaft ritmike, perfekte për verën.

“Dale” arriti miliona klikime brenda një kohe shumë të shkurtër dhe pa frikë mund ta cilësojmë si një nga hitet e këtij sezoni. Madje kënga ka kaluar kufijtë shqiptarë dhe po bën namin kudo në botë.

Artistët kanë publikuar shifrat ku tregojnë se kënga është “on top” në disa vende. Në Zvicër dhe në Shqipëri “Dale” është kënga e preferuar e momentit duke e renditur e para për sa i përket shikueshmërisë.

Në Maqedoni renditet e treta, ndërsa në Gjermani dhe Itali e pesta. Po ashtu “Dale” renditet e 11-ta në listë në Austri. Duke parë këtë sukses kaq të madh në një kohë të shkurtër, me siguri Kida, Ledri dhe Butrinti nuk do të kërkonin më shumë se kaq nga ky bashkëpunim.

Sa i përket karrierës artistike të këngëtarëve, kujtojmë se të gjithë kanë qenë mjaft aktivë në muzikë muajt e fundit. Në muajin maj, Kida publikoi këngën “Lila” në bashkëpunim me reperin gjerman Samra.

Ndërsa Ledri lançoi para pak javësh hitin e tij “Don Mo”.

Nga ana tjetër, para disa ditësh Butrinti lançoi këngën “Dujem”, që u prit mjaft mirë nga publiku. Të gjitha projektet e artistëve deri më sot kanë rezultuar mjaft të suksesshme, ndaj ne po presim me padurim të dëgjojmë “bombën” e radhës prej tyre.