Nga futbollist në gjahtarë

Ish-sulmuesi i Barcelonës, Hristo Stoiçkov dhe ish-trajneri i Bullgarisë në karrierën e tij si futbollist të magjepste me paraqitjen dhe agresivitetin e tij.

Stoiçkov duket se e ka lënë pas paraqitjen dinjitoze dhe ka ruajtur vetëm agresivitetin, pasi ditët e fundit po shkakton shumë polemika në Spanjë.

“AS” ka publikuar disa fotografi të Stoiçkovit të shkrepura në vitin 2009, ku ish-sulmuesi i Barçës pozon me një pushkë gjuetie pranë një zebre të vrarë.

Gjithashtu janë publikuar shumë foto të ish-trajnerit të Bullgarisë, i cili ka pozuar me një buall, një antilopë dhe një krokodil të vrarë.

Nga sulmues fantastik në “vrasës” kafshës? Stojçkov nuk e mendon të tillë, madje fituesi i “Topit të Artë” në një intervistë ka rrëfyer personalisht hobin e tij të ri.

“Nuk jam vrasës. Më pëlqen gjuetia pasi krijon miqësi të re, njeh vende dhe gatime të reja. Gjuetia është vuajtje…nuk mund të mendoni se çfarë pamje është të shohësh një ujk të uritur që shqyen kafshë të ndryshme…është diçka e egër, njësoj siç është dhe jeta”.

“Kam gjuajtur kafshë të ndryshme në Zimbabve, Namibi në Mozambik dhe kudo që kam shkuar kam adhuruar kulturën vendase dhe kafshët që jetojnë në ato zona”.

Stoiçkov, që dikur ishte një “gjuetar” golash, tashmë duket larg nga bota e futbollit, duke preferuar më shumë plumbat se sa topin.