Historia përmban shumë gjëra, gjithçka që kanë bërë njerëzit. Megjithatë ne njohim kryesisht vetëm pikat kryesore. Dhe duke parë vetëm këto të fundit, ne nuk dimë disa nga kuriozitetet më interesante të shumë ngjarjeve mbi të cilat mund të keni dëgjuar, siç vërtetohet nga faktet e mëposhtme që nuk janë njohuri të zakonshme edhe pse me të vërtetë na pëlqen t’u tregojmë atyre njerëzve.

Revolucioni Francez

Kur shpërtheu revolucioni,Luigji XVI dhe Maria Antoneta u arratisën nga pallati dhe u përpoqën të linin fshehurazi Francën. Por një postier i njohu ata, dhe dyshimet e tij i konfirmoi duke krahasuar fytyrën e mbretit me atë që ishte vizatuar në kartëmonedha.

“Vdekja” e çuditshme mbretit britanik Xhorxhi V

Mbreti i Britanisë Xhorxh V vdiq për shkak të një eutanazie jo vullnetare. Stafi i tij donte që vdekja e tij të përbënte lajm në gazetat e mëngjesit dhe jo ato të mbrëmjes, kështu që ata e përshpejtuan vdekjen e tij me anë të ilaçeve, pa pëlqimin e tij.

Rekordi që u la në hije nga Titaniku

Harriet Kuimbi mendoi se do të bënte histori, duke qenë pilotja e parë femër që kalonte me avion Kanalin Anglez. Por ajo duhet të kishte zgjedhur një ditë më të mirë. Me Titanikun e sapo-fundosur, askush nuk u interesua aspak për fluturimin e saj.

Projekti Manhatan

Shkencëtarët që krijuan bombën bërthamore, nuk ishin aq të shkëlqyer kur bëhej fjalë për standardet e sigurisë. Një ditë nga punonjësit aksidentalisht gëlltiti plutoniumin e tyre të çmuar. Ata ia hapën barkun, dhe e rimorën plutoniumin.

Lufta e Parë Botërore

Kur nisi lufta, dy miq pijetarë, komandanti britanik Edmund Roades dhe kapiteni gjerman Bernd, u gjendën në anët e kundërta. Roades qëlloi një moment drejt llogores Bernd, ky pranoi të dorëzohej dhe të dy iu rikthyen menjëherë të pirit.

Traktati i Brest-Litovskut

Rusia doli nga Lufta e Parë Botërore në marsin e vitit 1918. Kur nënshkruan traktatin e paqes, palët donin praninë e një fshatari për arsye simbolike. Kështu ata morën një djalë të ri që po kalonte rastësisht në rrugë, dhe e ulën në mesin e familjes mbretërore. Kur e pyetën nëse dëshironte verë të kuqe apo të bardhë, ai u përgjigj:“Dua atë që është më e forta!”.

Ngritja e komunizmit

Kur Stalini dhe Mao u takuan me njëri-tjetrin në vitin 1949, shërbimi sekret sovjetik ndërhyri në kanalizimet e ujërave të zeza në shtëpinë e Maos, në mënyrë që të mblidhte çdo jashtëqitjet e tij për t’i analizuar më pas dhe mësuar se nga çfarë sëmundjesh mund të vuante ai.

Antanta Miqësore

Në vitin 1904, Anglia dhe Franca nënshkruan një marrëveshje që i dha fund një konflikti mijëra vjeçar midis tyre. Anglezët u nxitën ta bëjnë këtë pasi mbreti Eduardi VII donte të frekuentonte bordellot franceze.

Lëvizja për të Drejtat Civile

Kur nisi lëvizja, psikiatrit në SHBA nisën që t’i diagnostikonin shumë më shpesh burrat zezakë me sëmundjen e skizofrenisë. Dhe në atë kohë skizofrenia nënkuptonte burgosjen e detyrueshme të tyre.

Reforma Protestante

Pse u martua Martin Luteri? Për shkak se 12 murgesha u arratisën nga një manastir dhe udhëheqësja e tyre këmbënguli të martohej me Luterin, me gjithë pretendimet e këtij të fundit se nuk do të martohej kurrë.

Sulmet gjermane dhe elefanti

Autoritetet në Belfast të Irlandës së Veriut u përpoqën që të vrisnin të gjitha kafshët e rrezikshme në kopshtin zoologjik të qytetit, duke parashikuar se një bombardim nga gjermanët do t’i linte ato të lira duke shkaktuar kaos. Një nga rojet e kopshtit zoologjik  fshehu një elefant, duke e shpëtuar atë. Elefanti jetoi edhe 20 vjet të tjera.

Fushata e Afrikës së Veriut

Të dy palët ndërluftuese lanë gjatë Luftës së Dytë Botërore dhjetëra miliona mina tokësore në shkretëtirën e Afrikës së Veriut. Klima e zonës i ruajti ato aq mirë, sa që disa vite më parë ISIS gërmonte në fushat e minuara për t’u marrë atyre eksplozivin.

Rrethimi i Leningradit

Rusët iu kthyen kanibalizmit gjatë rrethimit të gjatë të Leningradit nga gjermanët. Por ai nuk ishte vetëm një rast i njerëzve që gatuanin dhe hanin të vdekurit. Bandat e kanibalëve endeshin nëpër rrugë, dhe policia vuri re dy lloje kanibalizmi:jo vetëm ngrënie kufomash por edhe “lyudoyedstvo” (ngrënien e atyre që tentonin të arratiseshin).

Uragani Katrina

Një nga efektet më pak të njohura të Katrina:Më shumë se 1.000 arkivole dolën nga varret e tyre. Ato përfunduan shumë larg varrimit, duke e bërë të vështirë identifikimin e tyre. Më vonë Nju Orlinsi miratoi një ligj të ri që detyroi vendosjen e emrit edhe në arkivole.

Burimi i lajmit: https://www.cracked.com/article_30471_55-strange-facts-about-famous-events-from-history.html