Kryeministri i Britanisë së Madhe, Boris Johnson nuk ka një mendim pozitiv për Presidentin e Rusisë Vladimir Putin, dhe këtë e ka shprehur për televizionin CNN, gjatë Samitit të G7-s.

Gazetarja e CNN, e pyeti Johnson nëse ka të njëjtin mendim me Presidentin e SHBA Joe Biden, që Putin është një vrasës dhe kryeministri britanik kujtoi këtu peripecitë e liderit opozitar në Rusi, Alexei Navalny.

Pyetja: Presidenti Biden ka deklaruar se Putin është vrasës. Po ju, a mendoni se Putin është vrasës?

Boris Johnson: “Mendoj që presidenti Putin ka bërë gjëra dhe jam i sigurt që ka miratuar helmimin në Solsberry, që ka çuar në vdekjen e Skripalit. E keni parë se çfarë ka ndodhur me kundërshtarin politik të tij, Alexei Navalny, i cili është në burg me akuza të trilluara. E përkrah plotësisht Biden. Putin e presin kritika të forta përballë tij. Edhe unë kam bërë të njëjtën gjë, kur për herë të fundit jam takuar me Putinin”.