Përmasat e fletës së votimit do jenë 30X60, dhe në të do jenë të radhitur në mënyrë horizontale të gjithë emrat e kandidatëve. Shkronjat do të ndryshojnë sipas qarqeve, ndërkohë që në Tiranë ato do të jenë më të vogla për shkak të numrit të madh të emrave. Gazeta MAPO, sjell modelet e votimit për çdo qark dhe bashkangjitur dhe emrat e kandidatëve të 12 partive që do të garojnë në zgjedhjet parlamentare

KQZ ka miratuar fletën e votimit për zgjedhjet e 25 prillit 2021. Ajo do të jetë në përmasat 30 X 60 dhe do të jetë me emrat e kandidatëve. Fleta e votimit do të jetë në formatin horizontal.

Podiumi.com sjell fletët e votimit për 12 qarqet e vendit, me emrat e kandidatëve të të gjitha forcave politike. Tirana ka numrin më të madh të kandidatëve, 36 dhe germat e emrave do të jenë më të vogla. Ndërsa në qarqet ku numri i kandidatëve është i reduktuar, fonti i germave do të jetë më i madh.

Ankimet
Pas miratimit të fletës së votimit që do të përdoret më 25 Prill, PD dhe PS po shqyrtojnë mundësinë e ankimimit në KAS. Përfaqësuesi i PS-së, Eridian Salianji u shpreh se fleta e votimit me format horizontal 30×60 dhe me emrat e kandidatëve, shkakton vonesa në votim dhe numërim, duke rrezikuar sipas tij shëndetin e votuesve në kohë pandemie.

Ndërkohë, Partia Demokratike preferon vendosjen e emrave në mënyrë vertikale. Më herët KQZ ka rrëzuar kërkesën e PS-së e cila propozoi që fleta e votimit të përbëhej vetëm nga numrat, model që u aplikua në Kosovë në zgjedhjet e fundit.

Votimi
Në fletën e votimit të miratuar dje, votuesi do ketë mundësi që përveç siglës së partisë të zgjedhë dhe kandidatin e preferuar.

Por domosdoshmërisht, kandidati duhet t’i përkasë partisë që ai ka zgjedhur. Pra fjala vjen, s’mund të votohet sigla e një partie dhe kandidati i një partie tjetër. Në këtë rast, vota del e pavlefshme. Numërimi i votave për partitë në bazë të Kodit Zgjedhor ka një afat prej 48 orësh, ndërsa numërimi i votave për kandidatët pritet të zgjasë deri në një javë.