Drejtuesi Politik i Partisë Socialiste për Qarkun e Elbasanit, Taulant Balla zhvilloi një takim me banorët e fshatit Kuturman në Librazhd.

Në fjalën e tij, Balla tha se është e papranueshme që opozita të shesë si ndryshim, rikthimin e Metës dhe Berishës në pushtet. Sipas tij, Berisha dhe Meta tentojnë me çdo kusht të pengojnë Reformën në Drejtësi.

‘’Ta shtojmë edhe më tej përfaqësimin e Librazhdit. Ta ngrejmë edhe në një nivel që nuk e kemi patur ndonjëherë. Jam shumë i sigurt që në i kemi të gjitha mundësitë që në këto zgjedhje të vazhdojmë të ecim përpara me Edi Ramën. Është e papranueshme që pas 30 vitesh, PD dhe LSI të na shesin për ndryshim rikthim tek Sali Berisha dhe tek Ilir Meta. Ju e kuptoni qartë sepse Sali Berisha dhe Ilir Meta janë bërë bashkë.
U bënë bashkë në vitin 2016 për të prishur koalicionin me Partinë Socialiste, Ilir Meta, sepse duhej penguar me çdo kusht Reforma në Drejtësi. Këto janë gjëra që në na duken të vështira, por janë gjëra për të cilat ne duhet të luftojmë të gjithë për t’i lënë Shqipërisë mundësinë që të vazhdojë në këtë rrugë, që djemtë dhe vajzat e Kuturmanit kudo që janë nëpër botë të ndihen si shtetas të Bashkimit Europian’’, deklaroi Balla.