Çfarë janë çatitë e gjelbërta

“Çati e Gjelbër” është çatia e një ndërtese e mbjellë pjesërisht ose plotësisht me bimësi.

Çatitë e gjelbërta përbëhen nga një sistem shtresash të ndryshme me materiale dhe funksione të ndryshme, sipas disa kritereve të mirë përcaktuara.

Kostoja e ndërtimit të një çatie të tillë varion nga 150-300 dollarë për m² për sistemet e thjeshta dhe mund të shkojë deri në 3 mijë dollarë për sistemet speciale.

Mbi të gjitha ato nuk mund të instalohen në çdo lloj terrace por kërkojnë kushte të caktuara.

Minimalisht një tarracë/çati e gjelbër duhet të ketë këto elementë/shtresa:

• Hidroizolim të veçantë në bazën e tarracës/çatisë

• Një shtresë/membranë izoluese ndaj ujit

• Një shtresë kulluese që shërben për drenazhimin e ujit që arrin në këtë thellësi dhe kanalizimin e tij në tubat e shkarkimit

• Një shrese filtrimi/ventilimi

• Një shtresë dheu dhe materialesh të tjera që shërbejnë për mbjelljen dhe ushqimin e bimësisë

• Bimësia