Kreu i Partisë Demokratike Lulzim Basha me anë të një postimi në rrjetet sociale ka akuzuar kryeministrin Rama se gënjen dhe shpif vetëm për të larguar vëmendjen nga pyetjet që u interesojnë shqiptarët.

Basha i drejton 5 pytje “PSE” kryeministrit, të cilat kanë të bëjnë me situatën e rënduar në spitalet COVID dhe ekonominë, ndërsa shkruan se shqiptarët kanë nevojë për një kryeministër që punon për ta e jo një klloun të dështuar.

Kryedemokrati shprehet i bindur se do të fitojë zgjedhjet dhe do të shërojë plagët e hapura nga Rama.

“Të gjithë e kuptojnë se ti gënjen e shpif vetëm për të larguar vëmendjen nga pyetjet që ju interesojnë vërtet qytetarëve:Pse qindra shqiptarë kanë humbur jetën nga COVID si rezultat i dështimit tënd?Pse spitalet janë mbushur plot dhe të sëmurët dergjen në ambulanca dhe korridore?

Pse e ke shkatërruar ekonominë?Pse nuk ju jep ndihmë financiare të prekurve nga COVID? Pse e ke mbyllur derën e BE? Shqiptarët kanë nevojë për një kryeministër që punon për ta e jo një klloun të dështuar si Rama.Bashkë do ti fitojmë zgjedhjet & do shërojmë plagët e hapura nga ai”, shkruan Basha.