Gafa e Ramës me shifrat / “Se si mund të jetë 60 më e madhe se 70 vetëm Edi Rama e di?”

Meqë Ramës i pëlqen të kapet pas lapsuseve

Një gafë e çuditshme gjendet në grafikun që Rama nxorri mëngjesin e sotëm për të thënë se në vitet e qeverisë Berisha më shumë rritej borxhi publik se investimet, ndërsa në vitet e tij ndodh e kundërta.

Pra edhe pse në vitet 2006-2013 investimet ishin 70 miliardë lekë ndërsa borxhi 60 miliardë, në grafik 70 është më e vogël se 60.

“Kur çdo gjë që shkruhet në zyrën e propagandës e ka për bazë gënjeshtrën nuk mund t’u thuash shqiptarëve të vërtetën. Vetëm për një gënjeshtar mund të jetë 60 më e madhe se sa 70. Kur bëhet fjalë për të bërë llogaritë e tyre për paratë që fusin në xhep nga taksat e shqiptarëve, nuk bëjnë gabime por kur flasin për shqiptarët I bëjnë gabimet me qëllim për të mashtruar. Borxhi real që kanë sot shqiptarët përfshirë edhe vlerën e detyrimeve të prapambetura dhe PPP-të është 97% e e PBB-së pra 13 mld euro.

Moto e qeverisë dhe veçanërisht kryetarit të saj është e qartë “Rro për te vjedhur! Rro për të mashtruar!” – shkruan Jorida Tabaku nga PD.