Lidhu me ne

Kryesore

Mbyllja e kufijve të BE dhe “historia e suksesit” në luftën ndaj pandemisë

Andi Bushati

Bashkimi Europian po ripërsërit një mbyllje të dytë të kufijve me Shqipërinë duke na çuar drejt një izolimi, në rastin më të mirë, deri në fund të korrikut, për shkak të infektueshmërisë së lartë nga Covid -19, në raport me popullsinë.

Nëse kur kjo ndodhi për herë të parë, mediat pranë qeverisë dhe eksponentë të saj filluan të thërrasin për teori komploti, që na diferenconin me pa të drejtë nga fqinjët tanë, këtë herë, kur vendimi nga Brukseli po konfirmohet, duket se tonet janë më të ulëta për të kundërshtuar dështimin e shtetit shqiptar në luftën ndaj pandemisë.

Situata e sotme fatkeqësisht nuk ka asgjë të përbashkët me historinë e suksesit, për përballimin e këtij armiku, që filloi të propagandojë Rama aty nga mesi i majit dhe që arriti kulmin e saj me deklaratën e atij deputetit rilindas që shpalli pa pikë droje, se falë punës së qeverisë ne jemi sot edhe më mirë se Italia dhe Gjermania.

Vetëm sa për të pasur një ide të këtij absurditeti, në të njëjtën ditë që Shqipëria kaloi për herë të parë shifrën e mbi 100 të infektuarve të rinj, vende si Italia apo Gjermania me 30 fishin e popullsisë sonë, deklaronin mes 150 dhe 160 të infektuarve në ditë.

Dhe e gjitha kjo e ka një shpjegim. Ajo ka të bëjë më mënyrën skandaloze se si u organizua tek ne edhe karantina ekstreme edhe hapja graduale. Përpos eksperimenteve cinike të orareve se kur duhet të dilnin nga shtëpite pensionistët dhe kur nënat me fëmijë, përpos perversitetit të videove me kufoma dhe me “dhunën” e policisë spanjolle, qeveria nuk mori asnjë masë të themeltë për t’u përgatitur për ditën që do të vinte pas.

Gjithçka u la në dorë të fatit duke ëndërruar se do të ndihmoheshim nga përdorimi me shumicë i citateve të biblës dhe kuranit, pa shtuar numrin e testimeve, pa pajisur me mjete të sofistikuara mbrojtëse të gjithë personelin shëndetësor (jo vetëm infektivin) aq sa QSTU u bë vatra e shpërndarjes së virusit, pa siguruar së paku maska për vendet e punësimit masiv, si fasoneritë.

Edhe fakti që buxheti i rrënuar dhe paratë e shpenzuara tjetërkund e bënë Shqipërinë vendin me ndihmën direkte më minimale në rajon (0.8% të GDP) i shtyu njerëzit e izoluar dhe të varfëruar të dilnin si të ndërkryer nga izolimi për të rikuperuar paratë dhe kohën e humbur.

E gjithë kjo papërgjegjshmëri ka pjellë situatën ku ndodhemi sot dhe parashikimet edhe më pesimiste që po bëhen për të ardhmen.

Tani askush nuk është në gjendje të kuptojë se përse na karantinuan papritmas nëpër shtëpi, kur nuk kishte asnjë të vdekur dhe nuk marrin asnjë masë tani kur ka nga 2- 3- 4 viktima çdo ditë. Gjithsecili e ka të pamundur të shpjegojë, se përse i ndalonin përmes thirrjeve në Facebook, burrë dhe grua të hypnin në të njëjtën makinë, në kohën kur shpallnin vetëm 20 të infektuar dhe hapën transportin publik në ditët që ka mbi 100 të tillë.

Për çdokënd përbën një absurditet se si atëherë policia shembte në dru një të ri që kalonte me 5 minuta orën e shtetrrethimit, ndërsa sot lë me qindra të tillë të dehen me alkool dhe virus në diskot e jugut, në fundjava.

Pikërisht kjo politikë delirante dhe këto vendimarrje të përçarta, po bëjnë që ndryshe nga të gjitha vendet e Europës perendimore ne ta përjetojmë pikun e pandemisë, pasi piku i izolimit ka kaluar. Dhe kjo është në fakt edhe arsyeja reale, përtej teorive komplotiste, që BE po na i mban kufijtë të izoluar. Të dhënat e tyre iu tregojnë se ne jemi më keq sesa kur ishte vërtetë keq. Dhe ky izolim i ri, këtë herë jo brenda shtëpive, por brenda vendit tonë është dëshmia më ulëritëse që diskrediton pallavrat me histori suksesi.

Pas kësaj le të vazhdojnë të broçkullisin, se falë kësaj qeverie jemi dhe më mirë se Italia dhe Gjermania që po na i mbajnë dyert të mbyllura.

Vazhdo leximin

MË TEPËR

Kryesore2 ditë më herët

Zbulohen listat, kush janë kandidatët më të përfolur për PD dhe PS në qarkun Shkodër

Në “Top Story” në TCH janë diskutuar emrat më të përfolur të kandidatëve për deputetë në disa qarqe të vendit....

Mix2 ditë më herët

Studimi: Depresioni kalon nëpërmjet stomakut

Sipas një studimi, njerëzit depresivë hanë ndryshe nga ata të shëndetshëm. Kjo njohuri mund të japë impulse për forma të...

Mix2 ditë më herët

Vakti i mëngjesit: Ja gabimet që “sabotojnë” rënien në peshë

1. E anashkaloni plotësisht mëngjesin Ndërsa disa studime raportojnë se anashkalimi i mëngjesit mund të çojë në marrje pak më...

Radar2 ditë më herët

“Vula e PD do kalojë në Strasburg”, Basha flet edhe për zgjedhjet e 11 majit

Lulzim Basha i kooalicionit Demokratët Eurotlantik ka folur lidhur me listat, koalicionet dhe 11 majin e zgjedhjeve parlamentare që na...

Kritike2 ditë më herët

Berisha, mall i skaduar që pengon PD të fitojë zgjedhjet!

Shkruar nga Spartak Ngjela Spartak Ngjela Prandaj, sikurse edhe kuptohet, gjendja e Partisë Demokratike ka vetëm këtë shpresë për të...

Mix2 ditë më herët

Horoskopi ditor, nuk do të mungojë dashuria dhe pasioni

Dashi Gjatë kësaj dite nuk do të mungojnë kënaqësitë për shumë çifte. Dikush do të kurorëzojë një ëndërr dashurie, ndërsa...

Mix2 ditë më herët

9 vite me Danny Fujikawa, por Hate Hudson refuzon të martohet! Ja pse?!

Kate Hudson gjatë paraqitjes së saj në “The Dreë Barrymore Show” ka pranuar se edhe pse ka 9 vite me...

Mix2 ditë më herët

Shtëpia prej 5 milionë dollarësh ku Meghan Markle filmoi serialin e saj: Pse s’zgjodhi rezidencën e saj?

Prona luksoze në Kaliforni ku Meghan Markle xhiroi serialin e saj të ri të Netflix “With love, Meghan” është bërë...

Mix2 ditë më herët

Celine Dion e ftuara speciale në ”Eurovision Song Contest 2025”?

Organizatorët e Eurovision Song Contest (ESC) shpresojnë të mirëpresin këngëtaren dhe ish-fituesen Céline Dion si një mysafire speciale në finalen...

Kryesore2 ditë më herët

Kur do i mbyllë Rama, bigbrother, përputhen apo ishulli tundimeve?!

Koment nga ARDIT HAXHIJA Kur do i mbyllë Rama, bigbrother, përputhen apo ishulli tundimeve?! Edi Rama po përpiqet ta shesë...

Facebook