Mjeshtri Kapexhiu ka thumbuar sot kryeministrin Edi Rama lidhur me 15 kushtet e sanksionuara nga Parlamenti Europian, për hapjen zyrtare të negociatave për anëtarësim me BE-në.

Punimi i Kapexhiut është bërë viral, pasi ai nxjerr të vërtetën që qeveria, rilindja dhe shefi i madh po përpiqen ta mohojnë.

Që në fillim, Rama tha se nuk janë 15 kushte për hapjen e negociatave.

Por Parlamenti Europian, përballë kësaj kokëfortësie, adoptoi një amendament ku thuhet se qeveria shqiptare ka 15 kushte për të plotësuar, përpara tryezës së shtatorit, ku vendet anëtare të BE do të marrin vendimin për çeljen e bisedimeve.

Rama sërish i bishtnoi, duke ironizuar se kushtet e integrimit, janë me mijëra.

Edhe pas debatit të ashpër, kritikave dhe akuzave të paprecedenta që u hodhën në Komisionin e Jashtëm të PE, ndaj qeverisë, për lidhjet me trafikantët, për pengimin e drejtësisë për dosjet e krimit electoral, për shembjen brutale të Teatrit, dhe, pasi sërish u theksua, se Shqipëria ka 15 kushte, Rama përsëri, reagoi në publik, duke u shprehur se ato nuk qendrojnë.

Por kushtet janë të shkruara dhe tashmë të materializuara në një dokument të institucionit më të rëndësishëm të Brukselit.