Kreu i Partisë Demokratike ka takuar sëfundmi tregtarë të ndryshëm në Tiranë. Ai theksoi se qeveria Rama e ka lënë të kategori pa mbështetjen e duhur financiare.

Sipas Bashës, mijëra biznese përballen sot me rënien e fuqisë blerëse, pamundësinë për të paguar qiratë e faturat aforfe të energjisë.

Kryedemokrati thekson se këto janë nga shqetësimet e biznesit të vogël në njësin 5 të kryeqytetit.

“Qeveria Rama e la biznesin e vogël pa mbështetje. Sot mijëra biznese përballen me rënien e fuqisë blerëse, pamundësinë për të paguar qiratë edhe për muajt e izolimit, ndërsa xhiroja e tyre është në nivele minimale, faturat afrofe të energjisë janë më të larta edhe se një vit më parë ndërsa Shqipëria renditet ndër vendet me çmimin më të lartë të energjisë e po kështu edhe për faturat e ujit.

Këto së bashku me tatimet dhe taksat rrënuan ekonominë e po çojnë drejt falimentimit në masë të biznesit të vogël. Ky është shqetësimi që dëgjova sot nga të gjithë bizneset e vogla në njësinë 5 në Tiranë. Mungesa e mbështetjes për ta dhe për konsumatorët nga qeveria po i çon drejt mbylljes shumë biznese familjare. Kjo gjendje është kudo në Shqipëri. Varfëria është ulur këmbëkryq në familjet shqiptare. RAMAVIRUSI ka prekur çdo degë të ekonomisë, pasiguria e papunësia po prek çdo pjesë të shoqërisë.” – shkruan Basha në Facebook.