Gazetari Enkel Demi ka qenë i ftuar në programin “Historia ime” në Tv Klan ku foli për jetën e tij profesionale dhe atë private.

Gazetari u shpreh se ndihet i bekuar nga Pernëndia për familjen që ka ndërsa sa i përket bashkëshortes e tij, politikanes Mesila Doda, shprehet se është një njeri i vendosur dhe shumë shpesh i thotë gjërat ashtu siç i mendon dhe kjo ka krijuar herë pas here një imazh jo të mirë për të në publik.

Teksa u ndal të fliste për familjen e tij, Demi u shpreh:

“Ne jemi shumë të lidhur më njëri tjetrin, edhe sot e kësaj dite vazhdojmë dhe rrimë bashkë, jetojmë dhe rrimë të gjithë bashkë. Bashkë me ne është dhe nëna ime, domethënë jemi 5 veta në shtëpi, që jetojmë të gjithë dhe jemi goxha të lidhur. Njëherë në ditë jemi të gjithë bashkë.”

Tashmë që Enkeli dhe Mesila kanë më shumë se 20 vite bashkë dhe janë rritur në sytë e publikut, si një bilanc i kësaj lidhjeje Enkeli i shpreh se ai ndihet njeri i bekuar nga Perëndia.

“Unë ndihem njeri me shumë fat. Pavarësisht se si ka shkuar rrugëtimi ynë në jetë, mendoj që jemi në një fazë të jetës që mund të na shkojë dhe fjala lumturi.”- tha ai.

I pyetur nga drejtuesja e programit lifhur me mendimin që kanë krijuar njerëzit për Mesilën si një grua e fortë si tha se kjo nuk është aspak e vërtetë. Ai e përshkroi bashkëshorten si njeri të vendosur dhe që shumë shpesh i thotë gjërat ashtu siç i mendon dhe kjo ka krijuar herë pas here një imazh jo të mirë për të.

“Sikur ajo është një grua e fortë, e rreptë, sikur gjithë ditën grindet edhe gjëra të kësaj natyre. Është krejt e kundërta, është një njeri shumë sentimental si natyrë, gatuan shumë mirë, bën punë shtëpie, është me një sens humori të jashtëzakonshëm. Megjithatë për disa njerëz nuk ka arritur dot ta përcjellë, edhe për faktin se në disa momente të forta politike, ajo ka qenë e pranishme në studiot televizive dhe ka mbajtur ca qëndrime, që njerëzit mund t’i kenë ndarë më dysh. Është e ndershme dhe unë nuk do t’ja kërkoja kurrë që të bënte të kundërtën e asaj. Ajo ashtu është, domethënë është shumë e ndershme në atë që thotë, domethënë e beson atë që thotë, nuk thotë një gjë që nuk e beson.