Një rast gati i pabesueshëm i kurajos për të vjedhur pronën intelektuale të tjetrit është denoncuar dje nga studiuesi Vladimir Kola (në foto).

Një shkrim i sociologout dhe diplomatit të njohur Fatos Tarifa, botuar në DITA në 2013 është rimarë nga një autor që prezantohet në gazetën Bota Sot si “doktorant ne universitetin e Orleonsit per maredhenie nderkombetare, France”.

Doktoranti nuk ka ndryshuar presjen, ka kopjuar gjithçka nga titulli deri tek fjalia e fundit.

Ka zëvendësuar vetëm fjalën Shqipëri në shkrimin e Tarifës në Dita me fjalën Kosovë.

Për nga përmasat rasti është për të qeshur e për të qarë duke nxitur edhe ironinë në postimin denoncues të Kolës.

Shkrimi i z.Tarifa në DITA mund të lexohet duke klikuar KËTU

Shkrimi i “doktorantit” në Bota Sot mund të lexohet duke klikuar KËTU

Denoncim i z.Kola në rrjetet sociale

Studiuesi Kola është një nga denoncuesit e vjedhjeve të pronës intelektuale në politikë dhe botën akademike.

Disa prej rasteve janë vërtet skandaloze dhe përfshijnë emra publikë, por reagimi serioz i institucioneve ka munguar.

Një nga rastet e fundit – edhe ky pa reagim institucional – është denoncuar nga studiuesi Ilir Mborja dhe ka të bëjë me ish-drejtorin e ISKK, Agron Tufa.

Doktoratura e tij, e cila ka shërbyer edhe për emërimin në post dhe pagesat ekstra është e vjedhur, madje veç vjedhjes, janë falsifikuar më pas dokumenta shtetërorë.