“The Best”/ Messi shpallet më i miri, mposht Ronaldo e Van Dijk

U zhvillua në teatrin “La Scala” të Milanos, ceremonia e çmimeve “The Best” të organizuar nga FIFA. Në këtë ceremoni, ishte befasues fakti se lojtari më i mirë tek meshkujt, u shpall Lionel Mesi, që vjet fitoi vetëm La Ligan me Barcelonën, por argjentinasi u nderua me çmimin “The Best”, për paraqitjen e tij personale.

Favorit paraqitej Virxhil Van Dajk, i cili fitoi Champions League me Liverpulin, si dhe u shpall lojtari më i mirë në Premier League. Në këtë çmim garonte edhe Kristiano Ronaldo, por portugezi nuk ishte i pranishëm në sallë.

Çmimi “Puskas” për golin më të bukur, shkoi për Daniel Szori, lojtari i Debrecenit, që ishte më i votuari, për golin e tij ndaj Ferencvarosh. FIFA dha edhe çmimin “The Best” për futbollin e femrave, e cila u fitua nga Megan Rapino.

Më tej, u dhanë edhe çmimi për tifozin e vitit, çmimi “Fair-Play”, si dhe formacionet më të mira për femra e meshkuj. Më poshtë, një tablo e plotë e çmimeve të akorduara këtë mbrëmje.

FORMACIONI MË I MIRË
Alisson, De Ligt, Sergio Ramos, Van Dijk, Marcelo, Modric, De Jong, Hazard, Mbappé, Messi dhe Cristiano Ronaldo