Ish-ministri i Jashtëm Tritan Shehu ka reaguar pasi zëvendësiministri Gent Cakaj u bëri thirrje Konsujve të Nderit që të dorëzojnë targat diplomatike.

“Sa poshtë i ka rënë “pazari” Diplomacisë Shqiptare!”. Dëgjova Zv.Ministrin e Jashtëm, që deklaronte në media, ai vetë, se do tu hiqen targat diplomatike Konsujve të Nderit në Shqipëri”, – shkruan Shehu në “Facebook”.

Ai ironizon Cakajn duke thënë se për këtë çështje nuk mund të shprehet më shumë se policia rrugore.

“Sikur ky qenka problemi i madh i Diplomacise sone, shkaku i humbjes se rolit tone paresor ne Rajon, i ndryshimeve te linjave tona strategjike, i dobesimit te bashkepunimit me partneret tane kryesore, apo i bllokimit te procesit tone te integrimit prej disa vitesh!? Ne fakt ajo eshte nje ceshtje per te cilen mund te shprehet jo me shume se Policia Rrugore”, – shkruan ish-ministri me ironi.

Ndërsa vijon: Ashtu si jane ceshtje te Ministrise se Brendeshme droga, trafiqet, kriminaliteti, “larja” e parave etj, per te cilat po ky Zv.Minister organizoi nje konference te tere shtypi dy dite me pare.
Sic duket vizioni, objektivat, funksionet e kesaj Ministrie me kontribute te medha nder vite, jane “atrofizuar” kaq shume, sa aty merren vetem me tilla “ceshtje” perfshi dhe “reformen” e madhe te “spastrimit” nga puna te 20 punonjesve, si pasoje e “luftes brenda llojit”.
Fatkeqesi kjo,se Ministria e Jashteme se pari duhet te shprehi vizionin e saj per ceshtjet madhore qe i perkasin vendit ne kompetence te saj, duke u koncentruar te “rrenjet” e problemeve, ne vend qe te merret me “gjethet”, apo te krijoje kakofoni me dikasteret e tjera.