Messi vs Maradona/ Kush është më i miri?

Rikthimi zhgënjyes i Lionel Messit në skuadrën kombëtare të Argjentinës ka ndezur sërish debatin e vjetër se kush është më i mirë: lojtari i Barcelonës apo legjenda Diego Maradona?

Gjithkush ka pasur një mendim se kush është më i miri, nga ish-shokët e skuadrës deri tek trajnerët, por ata që kanë luajtur kundër tyre janë në pozitë edhe më të mirë për të shprehur opinionin.

Ata që mendojnë se Maradona ishte më mirë se Messi

Zico: “Unë mendoj se Maradona luajti futboll më konkurrues. Ai gjithmonë ishte një golashënues, bëri më shumë për Argjentinën, fitoi Kupën e Botës.”

Pele: “Për mua, Maradona ishte një nga lojtarët më të mirë që kemi njohur. Nëse më pyesni ‘A ishte më i mirë se Messi?’, ishte shumë më i mirë.”

Gabriel Batistuta: “Për mua, Diego ishte më i miri. Maradona përfaqëson Argjentinën në shumë gjëra, jo vetëm në futboll. Ai ishte i pari që na vuri në hartë, duke fituar Kupën e Botës, ishte diçka e jashtëzakonshme.”

Romario: “Njerëzit debatojnë se kush është më i mirë, Maradona apo Messi. Maradona është ende më i miri për atë që bëri me Argjentinën.”

Luis Figo: “Maradona mbetet më i miri në histori.”

Juan Roman Riquelme: “Maradona është unik, ai është më i miri në histori. Unë jam rritur me Maradonën, ai bëri gjëra që askush tjetër nuk i kishte bërë më parë.”

Zlatan Ibrahimovic: “Maradona fitoi Kupën e Botës dhe, për mua, është më i miri në histori. Por Messi ka fituar shumë më tepër se ai, por jo Kupën e Botës. A e bën kjo një lojtar më të keq se Maradona? Fare.”

Ata që mendojnë se Messi është më i mirë se Maradona

Diego Maradona: “Messi është futbollisti më i miri që kam parë në 56 vitet e mia dhe falenderoj Zotin çdo ditë që është argjentinas.”

Alex Ferguson: “Karriera e Maradonës ishte në nivelin më të lartë vetëm për disa vite, prandaj Messi është më i mirë se ai.”

Sergio Ramos: “Maradona është i shkëlqyeshëm, një lojtar i madh dhe unë e respektoj shumë. Por në Argjentinë e dinë se Maradona është prapa lojtarit më të mirë argjentinas, që për mua është Lionel Messi.”

Dani Alves: “Doni që të krahasojmë Messin me Maradonën, por nuk mund t’i krahasoni ata. Sa Ballon d’Or ka Maradona?”

Vicente Del Bosque: “Messi është lojtari më i mirë, ai është i dashuruar me futbollin. Është një talent i lindur, është më i miri në histori.”

Eden Hazard: “Nuk ka dy lojtarë më të mirë në histori. Ka vetëm një dhe ai është Messi.”

Andres Iniesta: “Messi është më i miri në histori, i ka të gjitha. Nuk kam parë askënd të bëjë atë që bën ai në një fushë futbolli dhe nuk flas vetëm për një vit: vazhdon ta bëjë për 15 vjet.”

Xavi: “Ai bëhet një lojtar akoma më i mirë çdo ditë që kalon. Është i pabesueshëm, jo vetëm për momentin, por edhe në histori. Ai është lojtari më i mirë në histori, sigurisht, sipas mendimit tim.”

David Villa: “Unë nuk mendoj se një lojtar si Messi që ka kaluar gjithë këtë kohë në nivelet më të larta të futbollit duhet të fitojë Kupën e Botës për t’u konsideruar si një nga më të mirët në histori. Ai do të jetë më i miri, pavarësisht se çfarë fitojnë të tjerët.”

Mario Kempes: “Messi nuk ka rival vetëm Maradonën, së pari kishte Ronaldinhon dhe më pas Cristiano Ronaldon. Dhe ai është ende më i miri nga të gjithë ata.”