Aktualitet
Patentat 2018 / Ndryshojnë rregullat për patentën: Testi, tarifat dhe numri i gabimeve
Duke filluar nga data 1 Mars do të ndryshojnë testet për marrjen e patentës. Drejtoria e Shërbimit të Transportit Rrugor ka njoftuar se teste të reja do të aplikohen për marrjen e lejes së drejtimit të kategorisë A1, A2, B1 dhe B.
“Duke filluar nga data 01.03.2018 e në vazhdim në të gjitha Drejtoritë Rajonale të Shërbimit të Transportit Rrugor në testimin e kandidatëve për lejedrejtimit, do të aplikohen testet e reja të formuluara sipas strukturës së miratuar me Udhëzimin e ministrit të Transportit dhe Infrastrukturës nr.682/4, datë 01.04.2016”, thuhet në njoftimin zyrtar të Drejtorisë së Përgjithshme të Shërbimeve të Transportit Rrugor.
Për të gjitha këto kategori leje drejtimi, testet do të përmbajnë 40 pyetje dhe limiti i gabimeve të lejuara do të jetë 4, normë kjo që mbetet e njëjtë.
Ndryshime nuk do të ketë as për tarifat e testit. Këto tarifa do të vazhdojnë të mbeten në vlerën e 30 mijë Lekëve të vjetra për kategoritë A1, A2 dhe AM, dhe 45 mijë Lekë të vjetra për kategoritë B dhe B1.
Kliko KETU për pyetjet…
Vazhdo leximin
Duhet të jeni i kyçur në mënyrë që të mund të lini një koment Kyçu