Gazetari Klodian Tomorri ka komentuar përmes një ironie të rëndë e shpotitëse vendimin e sotëm të Këshillit Bashkiak të Tiranës për rritjen e çmimit të ujit të pijshëm.

Gazetari Tomorri rikthehet shumë kohë më parë, teksa sjell në vëmendje periudhën e errët të mesjetës, ku sunduesit nëpër Evropë vunë një taksë të posaçme mbi sapunin.

Në vijim të komentit në rrjetet sociale, gazetari kujton pasojat e kësaj takse, duke filluar që nga përkeqësimi i shëndetit të popullsisë dhe përhapja e shpejtë e epidemive.

“Taksa e pisllëkut! Ne Mesjete sunduesit neper Europe vune nje takse te posacme mbi sapunin. Mbreterit donin te financonin ushtrite se ishte kohe luftrash. Por ajo qe ndodhi ishte se njerezit filluanin te laheshin me pak.

Shendeti i popullsise filloi te perkeqesohej dhe epidemite perhapeshin me shpejte. Ne vend qe te lehtesonte financimin e luftrave, taksa e sapunit u kthye ne problem. Me shume semundje do te thoshte me pak ushtare per te luftuar, baze me ulet ekonomike per te taksuar dhe me shume shpenzime mjekesore. Shkurt me taksen e sapunit, qeverive u ra sapuni ne dush. Nuk eshte aq kollaj kjo pune”, shkruan Tomorri